Ҳоланд Норвегияни нимчорак финалга олиб чиқди

Бугун, 30 июнь куни 2026 йилги Жаҳон чемпионати 1/16 финал босқичида Норвегия миллий терма жамоаси Кот-д’Ивуарни 2:1 ҳисобида мағлуб этди. Натижада “викинглар” нимчорак финал босқичга йўл олди.

АҚШнинг Техас штати, Арлингтон шаҳрида бўлиб ўтган учрашувда норвегияликлар сафида Антонио Нуса 39-дақиқада ҳисобни очган бўлса, ғалаба голини 86-дақиқада Эрлинг Ҳоланд киритди. Кот-д’Ивуарнинг ягона голига эса 74-дақиқада Амад Диалло муаллифлик қилди.

Ўйинда киритилган голларни ушбу ҳавола орқали томоша қилишингиз мумкин.

Ушбу ғалабадан сўнг Норвегия 1/8 финалга йўл олди ва бу босқичда Бразилияга қарши майдонга тушади.

Эрлинг Ҳоланд мазкур голидан сўнг жорий Жаҳон чемпионатидаги голлари сонини бештага етказди. Бу кўрсаткич бўйича у турнир тўпурарлари рўйхатида иккинчи ўринда бормоқда. Пешқадамликни олтита гол билан Аргентина терма жамоаси сардори Лионель Месси эгаллаб турибди. Шу билан бирга, Аргентина ҳали 1/16 финалда Кабо-Вердега қарши баҳсда иштирок этади.

Маълумот учун, 2026 йилги Жаҳон чемпионати АҚШ, Канада ва Мексика мезбонлигида ўтказилмоқда. Тарихда илк бор 48 та миллий терма жамоа иштирок этаётган мусобақа жорий йилнинг 19 июль кунига қалар давом этади.