Ҳаррис Нетаньяхуга ҲАМАС билан тезда келишувга эришиш зарурлигини айтди
Олам
−
26 Июль
3977АҚШ вице-президенти Камола Ҳаррис Исроил Бош вазири Биньямин Нетаньяхуга ҲАМАС билан Ғазо секторида ўт очишни тўхтатиш бўйича келишувни имкон қадар тезроқ тузиш зарурлигини айтди. Бўлажак сайловларда Демократик партиядан номзод сифатида кўрсатилиши Америка етакчиси Жо Байден томонидан қўллаб-қувватланган Ҳаррис бу ҳақда Оқ уйда Нетаньяху билан учрашувидан сўнг маълум қилди.
"Мен ҳозиргина Бош вазир Нетаньяху билан очиқ ва конструктив суҳбатлашдим", деган Ҳаррис.
АҚШ вице-президентининг сўзларига кўра, у "Бош вазирга Ғазо секторида тинч аҳоли қурбонлари сони кўплигидан жиддий хавотир билдирган".
“Шунингдек, мен 2 миллиондан ортиқ одам озиқ-овқат таъминотидан маҳрум бўлган ва ярим миллион киши ўткир озиқ-овқат таъминотининг ҳалокатли даражасида бўлган оғир гуманитар шароитдан жиддий хавотир билдирдим”, дейди Ҳаррис.
АҚШ вице-президенти, шунингдек, Америка етакчиси Жо Байден томонидан Исроил ва ҲАМАС ўртасида илгари сурилган ўт очишни тўхтатиш келишуви лойиҳасини ҳам қўллаб-қувватлади.
"Мен ҳозиргина Бош вазирга бу келишувни тезда амалга ошириш кераклигини айтдим", дейди Ҳаррис.
Шу билан бирга, у Фаластин-Исроил можаросини икки давлат асосида ҳал этиш тарафдори эканини таъкидлади.
31 май куни Байден Ғазода босқичма-босқич тартибга солиш бўйича янги келишув лойиҳаси шартларини эълон қилди, у олти ҳафта давом этади ва ўт очишни тўхтатиш ва Исроилдаги юзлаб фаластинлик маҳбусларни амнистия қилиш эвазига ҲАМАС томонидан гаровга олинган исроилликларни озод қилишни ўз ичига олади.
Нетаньяху бу режани қўллаб-қувватлашини ва келишувга эришиш йўлидаги барча тўсиқларни, унинг сўзларига кўра, ҲАМАС яратаётганини айтди.
Шу билан бирга, Бош вазир бундан кейин Исроил Ғазо секторидаги ҲАМАСга ҳарбий босимни давом эттиришини бир неча бор таъкидлади, унинг сўзларига кўра, бу гаровга олинганларни озод қилиш бўйича келишув имзоланишини яқинлаштиради.
LiveБарчаси