Ҳарорат -45 даражагача совиб кетиши мумкин – Қозоғистонда
Олам
−
19 Февраль 10827
Арктика антициклони таъсирида 20–22 февраль кунлари Қозоғистон шимоли, шарқи, жануби-шарқи ва марказида аномал совуқлик кузатилади. Бу ҳақда “Казгидромет” хабар берди.
Аниқланишича, жанубий циклон таъсирида ғарбий, шимоли-ғарбий, жануб ва жануби-шарқда бўрон бўлиши, тоғли ҳудудларда эса кучли қор ёғиши кутилмоқда.
Шунингдек, ҳаво ҳарорати ғарбда кечаси -10/-25, кундузи -5/-15, шимолий ва марказий ҳудудларда кечаси -28/-38, кундузи -15/-23 даража совуқ бўлади. Шарқий ҳудудларда кечаси -32/-45, кундузи -20/-32, мамлакатнинг жануби-шарқида кечаси -15/-25 даража, кундузи эса 0/-13 даража совуқ бўлиши прогноз қилинмоқда.
Эслатиб ўтамиз, олдинроқ Қозоғистондаги қор кўчкиларида қолиб кетган автомобиль йўловчиларини қутқаришда вертолётлардан фойдаланилгани ва тўрт нафар жабрланувчи музлаб қолгани ҳақида хабар берилганди.
Сарвар Хуррамов
Live
Барчаси
