ҲАМАС Трамп ультиматумини рад этди
Олам
−
12 Февраль 4703
ҲАМАС ҳаракати АҚШ Президенти Дональд Трампнинг барча исроиллик гаровга олинганларни 15 февраль куни тушгача озод қилиш талабини рад этди. Бу ҳақда ҲАМАС матбуот котиби Сами Абу Зуҳрий кеча, 11 февраль куни маълум қилди.
Унинг айтишича, январь ойида Исроил билан эришилган ўт очишни тўхтатиш келишуви гаровга олинганларнинг озод этилишини кафолатлашнинг ягона йўли.
Унинг сўзларига кўра, таҳдидлар тили ўринсиз ва вазиятни янада мураккаблаштиради.
Эслатиб ўтамиз, ҲАМАС 15 февралга режалаштирилган гаровга олинганларни Исроилга топширишни кейинга қолдириш ниятини эълон қилганидан сўнг, Трамп ультиматум қўйди: унга кўра, агар шанба куни соат 12:00 га қадар барча гаровга олинганлар қайтарилмаса, ўт очишни тўхтатиш келишуви бекор қилиниши керак.
Live
Барчаси
