Эрон ядровий иншоотларини катта куч билан қайта тиклайди – Пезешкиён 

Теҳрон ўзининг ядровий иншоотларини “катта куч билан” қайта тиклайди, бироқ мамлакат ядровий қуролга интилмайди. Бу ҳақда Эрон Президенти Масъуд Пезешкиён бугун, 2 ноябрь куни давлат оммавий ахборот воситаларига берган интервьюсида маълум қилди.

Пезешкиён бу фикрларини мамлакат Атом энергияси ташкилотига ташрифи чоғида Эрон ядро саноатининг юқори лавозимли раҳбарлари билан учрашганида билдирди.

“Бинолар ва фабрикаларни вайрон қилиш биз учун муаммо туғдирмайди, биз уларни янада қутратлироқ куч билан қайта тиклаймиз”, деди Эрон Президенти давлат оммавий ахборот воситаларига.

Жорий йил июнь ойида АҚШ, Вашингтоннинг таъкидлашича, ядровий қурол ишлаб чиқаришга қаратилган дастурнинг бир қисми бўлган Эрон ядровий иншоотларига ҳужумлар уюштирганди. Теҳрон ўзининг ядровий дастури фақат фуқаролик мақсадларида эканлигини таъкидламоқда.

“Буларнинг барчаси халқ муаммоларини ҳал қилиш, касалликлар ва халқ саломатлиги учун мўлжалланган”, деди Пезешкиён Эроннинг ядровий фаолияти ҳақида гапириб.

АҚШ Президенти Дональд Трамп эса агар Теҳрон Қўшма Штатлар жорий йил июнь ойида бомбардимон қилган иншоотларни қайта тиклашга ҳаракат қилса, Эрон ядровий иншоотларига янги ҳужумлар уюштиришни буюриши ҳақида огоҳлантирганди.