“Уруш тугади”. Трамп Кнессетда чиқиш қилади

АҚШ Президенти Дональд Трамп бугун, 13 октябрь куни Қуддусдаги Кнессет (Исроил парламенти) биносида юраётган пайтда, бир журналист ундан “Уруш энди расман тугадими?” деб сўради.

“Ҳа”, деб жавоб берди Трамп, ўзи воситачи бўлган кечишув (отишмани тўхтатиш келишуви) урушга нуқта қўяди, деган ўз позициясини яна бир бор тасдиқлаб.

“Бу мен учун катта шараф. Улуғ ва гўзал кун. Янги ибтидо”, деб ёзди Трамп Кнессетнинг меҳмонлар китобига.

Бу қарашни Исроил Бош вазири Биньямин Нетаньяху эса қўллаб-қувватламайди, у кеча, 12 октябрь куни Ғазога қарши ҳарбий кампания ҳали якунланмаганини айтган эди. Шунингдек, Трампнинг 20 банддан иборат тинчлик режасидаги бир қатор масалалар ҳамoн ҳал этилмаган.

Шунга қарамай, камида унинг ўз тушунчасига кўра, Трамп ишонч билан: “Уруш бўлмаслиги керак, жанг тугади”, деган фикрда турибди.

Эслатиб ўтамиз, 13 октябрь куни эрталаб АҚШ Президенти Дональд Трамп гаровдагиларни озод қилиш жараёни давом этаётган бир пайтда Исроилга етиб борганди. Бен-Гурион аэропортида катта Исроил делегацияси – Бош вазир Биньямин Нетаньяху ва унинг рафиқаси Сара бошчилигида – президентни кутиб олди. Шунингдек, Исроил Президенти Ицҳок Герцог, АҚШнинг Исроилдаги элчиси Майк Ҳаккаби ва оташкесим битимини тузишда ёрдам берган Трампнинг куёви Жаред Кушнер ҳам ўша ерда эди. Унга Иванка Трамп ҳамроҳлик қилди.