Мануэль Пеллегрини тарихий рекорд ўрнатиши мумкин

Испания Ла Лиганинг 7-турдан ўрин олган “Бетис” ва “Осасуна” баҳси севиляликлар бош мураббийи Мануэль Пеллегрини учун тарихий бўлади. Ушбу учрашувдан сўнг мутахассис клуб тарихидаги энг кўп ўйин ўтказган мураббийга айланади. Бу ҳақда “Marca” нашри хабар берди.

Жорий йилнинг 24 сентябрь куни “Ноттингем Форест”га қарши баҳсда Пеллегрини “Бетис” сафида 263-расмий учрашувини ўтказиб, Лоренсо Серра Феррернинг рекордини такрорлади. Энди эса Пеллегрини кўрсаткични янгилаб, клуб тарихига киришга яқин турибди.

Пеллегрини 2020 йил ёзида “Бетис”ни қабул қилиб олганидан бери унинг қўл остида клуб Ла Лигада бир марта бешинчи, уч марта олтинчи ва бир марта еттинчи ўринни эгаллади. Энг йирик ютуқлардан бири эса 2022 йил апрелида 17 йиллик танаффусдан сўнг Испания кубогини қўлга киритиш бўлди.

Пеллегрини нафақат натижалар, балки ўйинга ўзига хос услуб олиб киргани, жамоага шахсият бергани ва номдор футболчиларни Фекир, Иско, Хоакин, Каналес, Бартра, Гвидо Родригес, Вильям Карвалью каби футболчилар унинг даврида жамоа сафига келиб қўшилди. Мураббий ва клуб раҳбарияти ўртасида шартномани узайтириш бўйича музокаралар давом этмоқда.

Маълумот учун, Пеллегрини шогирдларининг Испания Ла Лигаси 7-туридан ўрин олган “Осасуна” клубига қарши учрашуви жорий йилнинг 28 дан 29 сентябрга ўтар кечаси бўлиб ўтади.