Лукашенко Зеленский билан урушни тугатишни муҳокама қилмоқчи

Белерусь фуқароси Александр Лукашенко Украина раҳбари Владимир Зеленский билан учрашиб, урушни тугатиш бўйича барча масалаларни муҳокама қилишга тайёр. Бу ҳақда кеча, 26 сентябрь куни Лукашенко Россия Президенти Владимир Путин билан ўтказган учрашувидан сўнг, журналист Павел Зарубинга берган интервьюсида сўз очди. 

Беларусь вакилининг сўзларига кўра, Украина бўйича “столда яхши таклиф бор”. 

“Агар келиша олмасак, ҳаммага ёмон бўлади”, деган Лукашенко. 

Унинг қўшимча қилишича, мамлакат раҳбарлари ҳаммасини келишиб олиши керак. 

“Зеленский билан гаплашадиган гапим бор. Ўйлайманки, энди маслаҳатлашиш вақти келди. Урушнинг бошида мен уч славян давлати раҳбарлари ўтирамиз ва келишиб оламиз, деган эдим. Бу ноаниқ урушни якунлаш ҳақида келишиб олиш лозим”, деган Александр Лукашенко. 

Унинг қўшимча қилишича, Украина масаласида яхши таклиф бор ва бу таклиф Аляскада АҚШ Президенти Дональд Трамп томонидан эшитилган ҳамда Вашингтонга “ўйлаш ва муҳокама қилиш” учун олиб кетилган. 

Лукашенконинг фикрича, бу таклиф Украина учун фойдали шартларни ўз ичига олган ва америкаликлар томонидан маъқулланган. Вашингтон ҳозирча бу маълумотни тасдиқламаган.

Эслатиб ўтамиз, аввалроқ Россия Президенти Владимир Путин беларуслик Александр Лукашенко билан Валаамдаги учрашув чоғида Киев ҳозир музокаралар учун вақт эмас, деб ҳисоблаётган бўлса, Москва кутишга тайёрлигини айтганди.