Тошкент шаҳар ҳокимлиги огоҳлантириш билан чиқди

Жамият

−

23 Май 2025 visibility12000 timer1 дақиқа

Об-ҳаво шароитининг ёмонлашуви оқибатида симларнинг узилиши, дарахтларнинг қулаши ва ҳавода чанг миқдори кўпайиши мумкин. Шу сабабли Тошкент шаҳар ҳокимлиги огоҳлантириш билан чиқди.

Фуқаролардан қуйидагиларга алоҳида эътибор бериш сўралади:

автомобилларни дарахтлар ва электр узатиш линиялари остида қолдирмаслик;
кўчада юришни чеклаш, айниқса аллергия ёки чангга юқори сезувчанлик бўлса;
шаҳар бўйлаб ҳаракатланишда эҳтиёткор бўлиш;
шахсий мулкни асраш.

Фавқулодда вазиятлар юз берганда ушбу телефон рақамларига мурожаат қилиш сўралади: 1050, 1055, (71) 212-69-80, (71) 212-69-82.

Эслатиб ўтамиз, жорий йилнинг 17 май куни ҳам Тошкент шаҳрида кучли чанг бўрони кузатилганди. Оқибатда пойтахт ҳавосида PМ 2,5 майда дисперсли заррачалар миқдори 44,95 мкг/м3 ни ташкил этган. Бу эса рухсат этилган меъёрдан 1,28 марта ошганини билдиради.

Мақола муаллифи