Toshkent shahar hokimligi ogohlantirish bilan chiqdi

Ob-havo sharoitining yomonlashuvi oqibatida simlarning uzilishi, daraxtlarning qulashi va havoda chang miqdori ko‘payishi mumkin. Shu sababli Toshkent shahar hokimligi ogohlantirish bilan chiqdi.

Fuqarolardan quyidagilarga alohida e’tibor berish so‘raladi:

• avtomobillarni daraxtlar va elektr uzatish liniyalari ostida qoldirmaslik;
• ko‘chada yurishni cheklash, ayniqsa allergiya yoki changga yuqori sezuvchanlik bo‘lsa;
• shahar bo‘ylab harakatlanishda ehtiyotkor bo‘lish;
• shaxsiy mulkni  asrash.

Favqulodda vaziyatlar yuz berganda ushbu telefon raqamlariga murojaat qilish so‘raladi: 1050, 1055, (71) 212-69-80, (71) 212-69-82.

Eslatib o‘tamiz, joriy yilning 17 may kuni ham Toshkent shahrida kuchli chang bo‘roni kuzatilgandi. Oqibatda poytaxt havosida PM 2,5 mayda dispersli zarrachalar miqdori 44,95 mkg/m3 ni tashkil etgan. Bu esa ruxsat etilgan me’yordan 1,28 marta oshganini bildiradi.