Трампнинг одами Путин билан гаплашиш учун Россияга борди

north_east

Путин ва Трампнинг махсус вакиллари Вашингтонда учрашди 

АҚШ Президентининг махсус вакили Стив Уиткофф бугун, 11 апрель куни Россияга етиб борди. Буни Кремль матбуот котиби Дмитрий Песков ҳам тасдиқлади. 

“Ҳа, тасдиқлайман, у ҳақиқатан ҳам етиб келди”, деди Песков.

Унинг қайд этишича, агар Россия Президенти Владимир Путин Америка етакчисининг махсус вакили билан учрашса, Кремль ўз вақтида маълумот беради.

Flightradar маълумотларига кўра, АҚШ Президентининг махсус элчиси Стивен Уиткоффнинг самолёти Санкт-Петербургга қўнган. Самолёт Форт-Лодердейл халқаро аэропортидан ҳавога кўтарилиб, Санкт-Петербургдаги Пулково аэропортига қўнган.

ТАСС агентлигининг Пулково оператив хизматларидаги манбаси самолёт Америка элчиси билан келганини тасдиқлади.

Американинг “Axios” портали ҳам манбаларига таяниб, Уиткофф Президент Владимир Путин билан учрашиш учун Россияга кетаётгани ҳақида хабар берган.

Эслатиб ўтамиз, Россия Президенти ва Трампнинг махсус вакили март ойи ўрталарида Москвада учрашганди.