Роналду замонавий футболнинг энг яхши уч футболчисини айтди

“Олтин тўп”нинг беш карра соҳиби, Саудия Арабистонининг “Ал-Наср” клубидан португалиялик Криштиану Роналду замонавий футболнинг энг яхши уч нафар футболчиси айтди.

“Эҳтимол, ўзимни, Лионель Месси ва Зинедин Зиданни кучли учлик рўйхатига киритган бўлардим”, дейди Роналду.

Роналду жорий мавсумда “Ал-Наср” сафида барча турнирлар доирасида 33 та ўйин ўтказиб, 28 та гол урди ва 4 та голли узатмани амалга оширди. Футболчининг амалдаги клуби билан амалдаги шартномаси 2025 йилнинг ёзига қадар мўлжалланган. “Transfermarkt” интернет порталида берилган маълумотларга кўра, футболчининг бозор нархи 12 миллион еврони ташкил қилади.

Қайд этиш жоиз, Лионель Месси МЛСда “Интер Майами”да ўйнамоқда, Зинедин Зидан эса профессионал футбол фаолиятини якунлаган.