Жорий йил келажагим учун муҳим қарорлар йили бўлади – Месси
Спорт
−
18 Апрель 2025 1737 1 дақиқа
“Интер Майами”нинг аргентиналик ҳужумчиси Лионель Месси келгуси фаолияти борасида ўз фикрлари билан ўртоқлашди.
“Айтганимдек, бор эътиборимни ҳозирги кунга қаратганман, лекин Жаҳон чемпионати ҳақида ўйламаяпман десам, ёлғон гапирган бўламан. Ҳа, мен бу мусобақада қатнашиш имкониятини ўрганяпман. Бу йил менинг келажагим ҳақида қарор қабул қилишда муҳим бўлади. Мен тўғри ритмни, изчилликни топмоқчиман”, дейди Месси.
Месси 2023 йилнинг ёзидан буён “Интер Майами”да ўйнаб келмоқда. Шу давр мобайнида у барча турнирларда 49 та ўйинда қатнашиб, 42 та гол урган ва 21 та голли узатмани амалга оширган. Футболчининг клуб билан амалдаги шартномаси 2025 йилнинг охиригача мўлжалланган. “Transfermarkt” порталида келтирилган маълумотларга кўра, футболчининг бозор қиймати 20 миллион еврони ташкил қилади.
