Бугун Ўзбекистон U-17 терма жамоаси ЖЧ йўлланмаси учун майдонга тушади

Саудия Арабистонида бўлиб ўтаётган 17 ёшгача бўлган футболчилар ўртасида Осиё кубогининг иккинчи тури доирасида бугун, 6 апрель куни Ўзбекистон терма жамоаси Хитой термасига қарши майдонга тушади.

Мусобақада “А” гуруҳидан ўрин олган Ўзбекистон U-17 терма жамоаси дастлабки турда Таиландни 4:1 ҳисобида мағлуб этди. Хитой эса мезбон Саудия Арабистонига 2:1 ҳисобида мағлуб бўлди. 

Қайд этиш жоиз, Ислом Исмоилов қўл остидаги жамоа агар 2-турда ғалаба қозонса, Жаҳон чемпионати йўлланмасини нақд қилган бўлади. 

Маълумот ўрнида, мазкур қитъа биринчилиги шу йил Қатарда ўтказиладиган Жаҳон чемпионатига йўлланма бериши билан ҳам қатнашчи жамоалар учун жуда муҳим саналади. Мусобақада чорак финалга чиққан барча жамоалар кичик мундиалга йўлланмани қўлга киритади, бу дегани гуруҳда 1 ёки 2-ўрин жамоаларга ЖЧ йўлланмасини кафолатлайди.

Ушбу ўйин бугун, 6 апрель куни Тошкент вақти билан 20:00 да старт олади.