Испаниядаги мундиал Мадрид клубининг стадионисиз ўтиши мумкин

Испания 2030 йилда Португалия ва Марокаш билан биргаликда футбол бўйича Жаҳон чемпионатига мезбонлик қилади. “Атлетико Мадрид” клуби раҳбарияти мусобақани ўз стадионида ўтказишдан бош тортмоқда. Бу ҳақда “El Mundo” нашри хабар берди.

Манбага кўра, айни вақтда Испанияда қайси стадионлар мусобақага мезбонлик қилиши борасида қизғин мунозаралар бўлмоқда. Айниқса, Мадриддаги “Атлетико” клубининг стадиони бўлган “Метрополитано” турнирдан четда қолиши мумкин. Сабаби жамоа раҳбарлари янги мавсум олдидан икки ой мобайнида машғулот ўтказа олмайди ва бу “матрасчилар”нинг мавсумдаги ўйинларига таъсир ўтказишдан хавотирда.Бу муаммо стадионинг Жаҳон чемпионатини қабул қилувчи ўйингоҳлар қаторидан тушиб қолишига олиб келиши мумкин. 

Яна бир шов-шувли янгилик бу Вигодаги ўйингоҳнинг Жаҳон чемпионатидан четлатилиб, унинг ўрнига Сан-Себастьяндаги аренанинг қўшилиши катта жанжалга сабаб бўлган. Қайд этилишича, ташкилотчилар Сан-Себастьяндаги “Реал Сосьедад” стадионининг айрим жойларини таъмирлаш мажбур бўлган. Мутахассислар эса буни алдов деб қабул қилмоқда.

Маълумот ўрнида, 2030 йилги футбол бўйича Жаҳон чемпионати Испания, Португалия ва Марокашда ўтказилади. Испания бу мусобақага мезбонлик қилиш тажрибасига эга, яъни 1982 йилги мундиал Испанияда ўтган. Португалия ва Марокаш эса бу нуфузли турнирни ўз майдонларида қабул қилиш тажрибасига эга эмас.