Зироат Мирзиёева “Ноль чиқинди” Глобал альянсини ташкил этишга бағишланган учрашувда иштирок этди

Ўзбекистон Республикаси Президенти Шавкат Мирзиёевнинг БМТнинг Иқлим ўзгариши бўйича Ҳадли конвенцияси томонлари конференциясининг 31-сессияси (COP31) тадбирларида иштирок этиш учун Туркияга ташрифи доирасида Ўзбекистон Биринчи хоними Зироат Мирзиёева кеча, 11 ноябрь куни Анталия шаҳрида юқори даражадаги учрашувда иштирок этди. Тадбирда “Ноль чиқинди” (Zero Waste) Глобал альянси ташкил этилгани эълон қилинди. Бу ҳақда Зироат Мирзиёеванинг Telegram-каналида хабар берилди.

Мазкур альянс давлат ва ҳукумат раҳбарлари рафиқаларининг табиий ресурслардан оқилона фойдаланиш ҳамда чиқиндиларни камайтириш тамойилларини илгари суриш йўлидаги саъй-ҳаракатларини бирлаштиришга қаратилган.

Зироат Мирзиёева учрашувда сўзга чиқиб, таклиф ва самимий меҳмондўстлик учун Туркия Биринчи хоними Эмина Эрдўғанга чуқур миннатдорлик билдирган ҳамда унинг “Ноль чиқинди” ташаббусини халқаро миқёсда илгари суришга қўшаётган шахсий ҳиссасини алоҳида эътироф этган. Шунингдек, “Ноль чиқинди” Глобал альянси ташкил этилиши қўллаб-қувватланган.

Шунингдек, Ўзбекистон Биринчи хоними Альянс доирасида экологик таълимни ривожлантириш, шунингдек, ёшлар томонидан илгари сурилган экологик лойиҳаларни қўллаб-қувватлаш ва амалга оширишга қаратилган қатор ташаббусларни илгари сурган.

Эслатиб ўтамиз, аввалроқ Анталия шаҳрида бўлиб ўтаётган БМТнинг Иқлим ўзгариши бўйича Ҳадли конвенцияси томонлари конференциясининг 31-сессияси (COP31) доирасида Ўзбекистон Республикаси Биринчи хоними, “Замин” халқаро жамоат фонди Васийлик кенгаши раиси Зироат Мирзиёева Ўзбекистон миллий павильонига ташриф буюрган эди.