Жириновский Лениннинг жасадини сотишни таклиф қилди

Россиянинг Либерал-демократик партия етакчиси Владимир Жириновский Қизил майдонда мақбарада жойлашган Владимир Ленин мумиёланган жасадини сотишни таклиф қилди. Бу ҳақда РИА Новости агентлиги хабар берди.

Сиёсатчи бундай “келишув“ туфайли бюджетга катта маблағ тушишига ишонади.

“Францияда бир ишбилармон “Мона Лиза“ картинасини сотмоқчи. Биз Лениннинг мумиясини сота оламиз. Харидорлар бор: Хитой, Вьетнам ёки бирон бир коммунист. Бундан 96 йил олдин мумиёланган Лениннинг аҳволи яхши“, дейди Жириновский Twitter-да.

Во Франции бизнесмен хочет продать картину «Джоконда». Мы могли бы продать мумию Ленина. Покупатели найдутся: Китай, Вьетнам или какой-нибудь коммунист. С продажи мумии бюджет может получить огромные деньги. Ленин в хорошем состоянии, мумифицировали всего-то 96 лет назад.

— Владимир Жириновский (@Zhirinovskiy) May 21, 2020

Аввалроқ, француз тадбиркори Стефан Дитенген Луврда сақланаётган Леонардо да Винчининг “Мона Лиза“ асарини сотишни таклиф қилгани ҳақида хабар берган эди.