Жаҳонгир Ортиқхўжаев Тошкентнинг 3 та тумани ҳокимига “ҳайфсан” берди

Local

−

22 September 2021 visibility12501 timer1 minute

Тошкент шаҳар ҳокими Жаҳонгир Ортиқхўжаев пойтахтнинг учта тумани ҳокимларига “ҳайфсан” берди. Шаҳар раҳбарининг тегишли фармойиши “e-qaror” порталида жойлаштирилди.

Фармойишга мувофиқ, Мирзо Улуғбек тумани ҳокими Шавкатбек Турдиевич Эргашев, Юнусобод тумани ҳокими Жаҳонгир Баҳодирович Иброҳимов ва Янгиҳаёт тумани ҳокими Ҳаёт Илясович Иноғамовга Ўзбекистон Республикаси Меҳнат кодексининг 181-моддасига асосан “ҳайфсан” интизомий жазо чораси қўлланилган.

Бунга мазкур ҳокимлар жорий йил биринчи ярим йилликда саноат маҳсулотлари ишлаб чиқариш ҳажмларини камайтиришга йўл қўйгани сабаб бўлган.