YouTube видеоларни Россия платформаларига узатишни блоклади

Россия видео платформалари YouTube'дан видеоларни автоматик равишда узатишда муаммоларга дуч келди. Бу ҳақда “Коммерсанть” хабар берди.

Манбага кўра, RuTube ва VK Video орқали видеоларни автоматик узатишда узилишлар кузатилган. Энди рус платформалари видеоларни юклаб олишнинг қўшимча усулларини излашлари керак. Бу жараён эса бир неча кун давом этиши мумкин.

Экспертларнинг фикрича, YouTube ўз контентини бошқа платформаларга ўтказиш билан мақсадли курашмаяпти. Энди RuTube ва VK Video Америка хостингидан контентни юклаб олиш учун хорижий VPN хизматларидан фойдаланишга мажбур.

RuTube видео узатиш билан боғлиқ қийинчиликларни тасдиқлади. Мутахассислар рус ва хорижий IP- манзилларидан юклаб олишлар 12 соат давомида блокланганлигини пайқади. Қайд этилишича, сайт ходимлари ижодкорлар видеоларни узатишда давом этиши учун амалий ишларни олиб бормоқда.

Эслатиб ўтамиз, жорий йилнинг август ойида Россия Алоқа, ахборот технологиялари ва оммавий коммуникацияларни назорат қилиш федерал хизмати (Роскомнадзор)нинг Бош радиочастота маркази (ГРФC) провайдерларга Америка видеохостинги YouTube тезлигини тўхтатишни буюрганди.