Ямаль ўзини “Олтин тўп”ни ютиш учун асосий даъвогар деб айтди

Sport

−

10:51 visibility237 timer1 minute

“Барселона” ва Испания терма жамоаси ҳужумчиси Ламин Ямаль 2025-2026 йилги мавсум якунлари бўйича бериладиган “Олтин тўп” мукофотини қўлга киритиш учун асосий даъвогарлардан бири эканини айтди. Бу ҳақда у “Movistar” нашрига берган интервьюсида маълум қилди.

“Мен учун ҳозир дунёда энг яхши икки футболчи бор: мен ва (Франция ҳамда “Реал Мадрид” ҳужумчиси) Килиан Мбаппе. Менимча, биз дунёнинг энг яхши футболчиси бўлиш учун асосий даъвогармиз. Бу йил қўлга киритган барча ютуқларимни ҳисобга олган ҳолда, ушбу мукофотга лойиқман, деб ўйлайман. Бу мен учун аниқ. Ўйинларни кузатадиган ҳар бир киши ҳам буни билади”, дейди Ямаль.

Маълумот учун, 19 ёшли Ямаль 2026 йилда “Барселона” билан Испания Суперкубоги ва чемпионликни қўлга киритди. Шунингдек, у Испания терма жамоаси билан Жаҳон чемпионатида ҳам ғолиб бўлди.

Author