Ямаль “Барселона” билан янги шартнома имзолайди

Sport

−

22 November 2024 visibility4194 timer1 minute

Ҳужумчи Ламин Ямаль ва “Барселона” шартномани узайтиришга келишиб олди. 18 ёшга тўлганидан кейин Ямал клуб билан олти йиллик шартнома имзолайди. Бу ҳақда “El Chiringuito” хабар берди.

Келишув 1 миллиард евро миқдоридаги товон пулини ўз ичига олади. Ямаль 2025 йил 13 июлда 18 ёшга тўлади. У болалигидан “Барселона” тизимида ўйнаб келмоқда.

Жорий мавсумда 17 ёшли Ямаль 16 та ўйинда майдонга тушиб, 6 та гол урди ва 8 та голли узатмани амалга оширди. “Transfermarkt”га кўра, футболчининг қиймати 150 миллион еврони ташкил этади. У Каталония клуби билан 2022/23 йилги мавсумда Испания Ла Лигасида ғолиб бўлган.

Эслатиб ўтамиз, ўтган ҳафта Ямаль жароҳат олиб, сафдан чиққани хабар қилинганди.

Author