Венгрия Бош вазирига митинг вақтида тухум отилди (видео)

Венгрия Бош вазири Петер Мадьяр Сольнок шаҳридаги митингда нутқ сўзлаётган вақтида томошабинлар орасидан саҳнага тухум отилди. Бу ҳақда маҳаллий ОАВ хабар берди. 

Қайд этилишича, тухум отилганидан сўнг Бош вазирнинг ортида дарҳол қўриқчилар пайдо бўлган ва унинг нутқи қисқа вақтга тўхтатилган. Кейинчалик полиция тухум отган эркакни қўлга олган. Эркакнинг ўзи Мадьярга тухум тегмаганидан афсусда эканини ва у Бош вазирнинг бошини нишонга олганини айтган.

Мадьяр ҳодисадан сўнг тарафдорларини ҳужумчига нисбатан ғазабланмасликка чақирган. Унга кўра, бундай хатти-ҳаракатларга бораётган одамлар ўзлари ишонган сиёсий жамоанинг парчаланиши ва илгари берилган ваъдаларнинг бажарилмагани билан юзма-юз келмоқда.

Шунингдек, Мадьяр митингда мухолифларини танқид қилиб, парламентдаги айрим сиёсатчилар ҳақида кескин фикрлар билдирган.

Эслатиб ўтамиз, аввалроқ Сексард шаҳридаги вино фестивалида овқат олиш учун навбатда турган вақтида бир эркак Петер Мадьярнинг юзига шароб сепиб юборган эди.