Венесуэла Миллий гвардияси инсониятга қарши жиноят қилган – БМТ

Бирлашган Миллатлар Ташкилоти (БМТ) Венесуэланинг Миллий гвардиясига катта айблов қўймоқда. Улар ҳукуматга қарши чиққанларни ўн йилдан бери қийноққа солиш, зўрлаш ва ҳибсга олиш каби номақбул ишларни қилишда гумон қилинмоқда. Бу инсониятга қарши жиноят деб баҳоланган. Бу ҳақда “Reuters” хабар берди.

Нашрга кўра, Миллий гвардия Президент Николас Мадурога қарши чиққан сиёсатчи ва оддий одамларни махсус нишонга олган. Аҳолини сабабсиз қамоққа ташлаш (арбитрар ҳибс), уларга жисмоний жазо бериш, ҳатто жинсий зўравонлик каби жиноий ҳаракатларни содир этганлигини билдирган.

БМТ бу ишлар шунчаки хатолик эмас, балки ҳукумат томонидан махсус режалаштирилган, тизимли репрессия (мажбурлаш) эканлигини таъкидлаган. Гвардия бу ишлар учун деярли жазоланмаган. Масалан, 2024 йилда сайловдан кейин Миллий гвардия танқидчиларнинг уйларига тўсатдан бостириб кириш: “knock knock”  операциясини уюштирган.

Ҳисобот эълон қилингач, АҚШ ва Венесуэла орасидаги муносабатлар янада ёмонлашган. АҚШ Президенти Дональд Трамп Венесуэлага қарши ҳатто ҳарбий аралашув бўлиши мумкинлигини айтган. Президент Мадуро эса бу айбловлар ёлғонлигини ва АҚШ унинг нефтини ўғирлаш учун бу уйдирмани ўйлаб топганини таъкидлаган.

Эслатиб ўтамиз, 29 ноябрь куни АҚШ Президенти Дональд Трамп Венесуэла ва унга туташ ҳудудлар устидаги ҳаво макони тўлиқ ёпилганини эълон қилганди.

Нигора Махаммадиева