Туркия миллий терма жамоасига янги бош мураббийи тайинланди
Sport
−
10:57 674 1 minute
Туркия футбол федерацияси (ТФФ) Серген Ялчинни мамлакат миллий терма жамоаси бош мураббийи этиб тайинлади. Бу ҳақда федерациянинг ижтимоий тармоқлардаги саҳифаларида маълум қилинди.
Аввалроқ, Туркия терма жамоасини италиялик Винченцо Монтелла бошқариб келаётган эди. Жорий йилнинг 9 октябрь куни унинг шартномаси бекор қилинган. Бунга жамоанинг Миллатлар лигаси гуруҳ босқичидаги тўртта учрашувнинг барчасида мағлуб бўлгани сабаб қилиб кўрсатилган.
Ялчин 2020-2021 йилги мавсумда “Бешиктош”ни Туркия чемпионлиги ва мамлакат кубогига олиб чиққан. Шу тариқа у футболчи ва бош мураббий сифатида Туркия чемпионлигини қўлга киритган илк мураббийга айланган.
2025 йил август ойида мутахассис иккинчи бор “Бешиктош” бош мураббийи лавозимини эгаллаган. Бироқ 2026 йил май ойида клуб у билан ҳамкорликни тўхтатган.
Серген Ялчин очиқ баёнотлари ҳамда Туркия футболи раҳбарияти қарорларига нисбатан танқидий муносабати билан танилган. Винченцо Монтелла 2023 йилда Туркия терма жамоаси бош мураббийи этиб тайинланганидан кейин Ялчин ҳам миллий жамоани бошқариш бўйича таклиф олишни кутганини айтган.
