Туркия Исроилдан элчисини чақириб олди

World

−

04 November 2023 visibility8389 timer1 minute

Туркия элчиси маслаҳатлашувлар ўтказиш учун Исроилдан чақириб олинди. Бу ҳақда Туркия Республикаси Ташқи ишлар вазирлиги Матбуот хизмати хабар берди.

“Ғазо секторида давом этаётган гуманитар фожиа туфайли, Исроилнинг тинч аҳолига қарши ҳужумларини давом эттириши ва Исроилнинг қуролли тўқнашувни тўхтатишга чақириқни рад этиши ва инсонпарварлик ёрдамларининг тўсиқсиз оқими туфайли Тель-Авивдаги элчимиз Шакир Ўзкан Торунларни маслаҳатлашувлар учун Анкарага чақириб олишга қарор қилинди”, дейилади хабарда.

Эслатиб ўтамиз, жорий ҳафтада Боливия Исроил билан барча дипломатик алоқаларини узди. Чили ва Колумбия эса мамлакатдаги элчиларини маслаҳатлашув учун чақириб олди. Баҳрайн эса Исроил билан иқтисодий алоқаларини узиб, элчисини чақириб олди.

Author