Трамп Си Цзиньпин нутқ сўзлаётган вақтда ухлаб қолди (видео)
World
−
11:01 366 2 minutes
АҚШ Президенти Дональд Трампнинг Хитойдаги Осиё-Тинч океани иқтисодий ҳамкорлиги (APEC) саммити вақтида ухлаб қолгани акс этган видео тарқалди. 80 ёшли Президент Хитой раҳбари Си Цзиньпин минтақа келажаги ҳақида нутқ сўзлаётган пайтда кўзларини юмиб, ухлаб қола бошлагандек кўринган. Бу ҳолат саммитнинг жонли эфирида акс этган.
Воқеа бугун, 19 ноябрь куни Хитойнинг Шэньчжэнь шаҳрида ўтказилаётган APEC саммитидаги йиғилишлардан бирида содир бўлган. “South China Morning Post” нашрининг ёзишича, Си Цзиньпин Осиё-Тинч океани минтақасига оид Хитойнинг келгуси режалари ва қарашларини баён қилаётган вақтда Трамп ўтирган жойида мудраган.
Бу пайтда йиғилишда иштирок этаётган бошқа давлат раҳбарларининг эътибори эса нутққа қаратилган эди. Россия Президенти Владимир Путин Си Цзиньпинни диққат билан тинглаб ўтирган, Канада Бош вазири Марк Карни ва Гонконг раҳбари Жон Ли эса муҳим фикрларни ёзиб борган. Япония Бош вазири Санаэ Такаичи ҳам Хитой раҳбарининг нутқи давомида бир неча бор жилмайган.
Трампнинг саммитдаги бу ҳолати унинг сўнгги кунлардаги тиғиз халқаро сафарлари ортдан кузатилди. У Хитойга келишидан олдин Филиппинда бўлиб ўтган Жануби-Шарқий Осиё давлатлари ассоциацияси (ASEAN) саммитида қатнашган, шундан сўнг Шэньчжэнга йўл олган эди.
Шунингдек, “South China Morning Post” нашри ҳам Трампнинг бир неча кун давом этган сафарлари ва дипломатик учрашувлардан кейин саммитдаги нутқлар вақтида мудраб қолганини қайд этган.
Live
All