Тошкентдаги ошхоналардан бири ёниб кетди

Crime

−

04 November 2025 visibility5576 timer1 minute

Бугун, 4 ноябрь куни Тошкент шаҳри Чилонзор туманида жойлашган ошхоналардан бирида ёнғин содир бўлди. Бу ҳақда пойтахт Фавқулодда вазиятлар бошқармаси хабар берди.

Маълум қилинишича, соат 01:26 да туманнинг Қатортол кўчасида жойлашган тез овқат тайёрлаш шохобчаси биносида ёнғин содир бўлгани тўғрисида ФВБга хабар қилинган.

Шунга кўра, ёнғин-қутқарув экипажи соат 01:34 да воқеа жойига етиб бориб, ёнғин соат 01:45 да қуршаб олинган ва соат 01:48 да ўчирилган.

Билдирилишича, ёнғин оқибатида тан жароҳати олганлар йўқ.

Эслатиб ўтамиз, аввалроқ Сергели туманидаги кўп қаватли уйларнинг бирида ёнғин содир бўлганди.

Author