Самарқанддаги ошхонада ёнғин чиқди

Crime

−

10 March 2025 visibility7462 timer1 minute

Бугун, 10 март куни Самарқанд вилоятининг Самарқанд шаҳрида жойлашган ошхонада ёнғин содир бўлди. Бу ҳақда вилоят Фавқулодда вазиятлар бошқармаси хабар берди.

Қайд этилишича, соат 09:33 да “Бирдамлик” МФЙ Гулобод кўчасида жойлашган “Хакимов Фаррух” ОКга қарашли ошхонада ёнғин содир бўлганлиги тўғрисида вилоят ФВБга хабар берилган.

Шунга кўра, 3 та ёнғин-қутқарув экипажлари жалб қилиниб, воқеа жойига соат 09:36 да етиб бориб, соат 10:10 да ёнғин тўлиқ бартараф этилган. Ёнғин оқибатида ошхона шифт қисми ва ички жиҳозлари ёниб зарарланган.

Ҳодиса оқибатида жабрланган ва ҳалок бўлганлар йўқ. Ҳозирда терговга қадар текшириш ишлари олиб борилиб, ёнғиннинг келиб чиқиш сабаби аниқланмоқда.

Эслатиб ўтамиз, аввалроқ Тошкент шаҳридаги савдо мажмуаларининг бирида ёнғин содир бўлганди.

Author