Тошкентда яна бир электромобиль ёниб кетди

Crime

−

18 April 2025 visibility6497 timer1 minute

Тошкент шаҳар Мирзо Улуғбек туманида электромобиль ёниб кетди. Бу ҳақда пойтахт Фавқулодда вазиятлар бошқармаси хабар берди.

Қайд этилишича, кеча, 17 апрель куни соат 23:51 да Мирзо Улуғбек тумани Яланғоч мавзесида электромобиль ёнаётгани тўғрисида Тошкент шаҳар ФВБга хабар тушган. Шунга кўра, ёнғин-қутқарув техникалари айтилган манзилга соат 23:56 да етиб бориб, ёнғин соат 23:59 да ўчирилган.

Билдирилишича, ёнғин оқибатида ҳалок бўлган ва жабрланганлар йўқ. Ҳозирда ёнғин сабаби ва келтирилган моддий зарар миқдори аниқланмоқда.

Эслатиб ўтамиз, аввалроқ Тошкент шаҳрининг Чилонзор тумани Фурқат кўчасида қувват олаётган электромобиль ёниб кетганди. Ёнғин оқибатида ҳалок бўлган ва жабрланганлар бўлмаган.

Author

Тошкентда яна бир электромобиль ёниб кетди

Shexroz Jalg'ashev