Тошкентда қоғоз қутилар сақлаш омборхонаси ёниб кетди

Crime

−

28 November 2022 visibility5151 timer1 minute

Бугун, 28 ноябрь куни Тошкент шаҳрида қоғоз қутилар сақлаш омборхонасида ёнғин содир бўлди. Бу ҳақда шаҳар Фавқулодда вазиятлар бошқармаси хабар берди.

Қайд этилишича, Бектемир тумани “Сомон бозор” кўчасида жойлашган қоғоз қутилар сақлаш омборхонасида ёнғин содир бўлган. Ушбу ҳолат юзасидан шаҳар ФВБга соат 13:42 да хабар келиб тушган.

4 та ёнғин-қутқарув экипажи соат 13:53 да воқеа жойига етиб бориб, ёнғин соат 14:46 да бартараф этилган.

Ёнғин оқибатида омборхонанинг тахминан 150 кв.м майдонда ички қисми ёниб зарарланган. Ҳодиса оқибатида тан жароҳати олган ва ҳалок бўлганлар йўқ.

ФВБга кўра, ҳозирда ёнғин сабаби ва моддий зарар миқдори аниқланмоқда.

Author

Тошкентда қоғоз қутилар сақлаш омборхонаси ёниб кетди

Farangiz Salimova