Тошкентда 7 та арча ёниб кетди (видео)

−

26 July 2025 visibility9222 timer1 minute

Кеча, 25 июль куни Тошкент шаҳрининг Яккасарой туманида 7 та арча дарахти ёниб кетди. Бу ҳақда пойтахт Фавқулодда вазиятлар бошқармаси хабар берди.

Маълум қилинишича, соат 10:31 да туманнинг Юнус Ражабий кўчаси 72-уй олдида дарахтлар ёнаётгани тўғрисида бошқармага хабар келиб тушган.

Ёнғин-қутқарув экипажлари айтилган манзилга соат 10:36 да етиб бориб, ёнғин соат 10:42 да ўчирилган.

Айтилган манзилда 7 та арча дарахти ёниб зарарланган. Ҳодиса оқибатида жабрланганлар йўқ.

Эслатиб ўтамиз, аввалроқ Тошкент вилоятининг Бўстонлиқ туманида ҳам 2 гектар ердаги қуруқ ўт олов ичида қолгани ва у ёнғин ёнғин-қутқарув экипажлари қутқарувчилари ҳамда тегишли ташкилотлар ходимлари томонидан деярли 6,5 соатда ўчирилгани хабар қилинганди.

Author