Тошкент ёшлар ўртасидаги Осиё ўйинларига мезбонлик қилмайди

Sport

−

02 December 2024 visibility12021 timer1 minute

Тошкент 2025 III ёшлар ўртасидаги Осиё ўйинларига мезбонлик қилмайди. Бу ҳақда Осиё Олимпия кенгаши матбуот хизмати хабар берди.

“Осиё Олимпия кенгаши дастлаб Ўзбекистон пойтахти Тошкентда ўтказилиши режалаштирилган III Осиё ўсмирлар ўйинлари бекор қилинганини эълон қилади. 2024 йил 2 декабрда бўлиб ўтган Ижроия кенгаши йиғилишида қабул қилинган қарорга кўра, тадбир энди 2025 йилда Баҳрайнда ўтказилади”, дейилади хабарда.

Баҳсларнинг нега Тошкентда ўтказилмаётганига ҳозирча изоҳ берилгани йўқ.

Маълумот учун, ёшлар ўртасидаги Осиё ўйинлари сентябрь ойида ўтказилиши режалаштирилаётганди. Баҳслар бўлиб ўтадиган Яшнобод туманидаги Олимпия шаҳарчасида қурилиш ишларининг катта қисми якунланган.

Author