“Толибон” Путинга жавоб қайтарди
World
−
17 October 2021 56029 1 minute
Россия Президенти Владимир Путиннинг Афғонистон шимолида ИШИД террорчи гуруҳининг жойлашиб олгани бўйича билдирган хавотири асоссиз. “Толибон” ҳаракати вакили Анамулла Самангани Путиннинг ташвишли фикрига шундай жавоб қайтарди.
“Бу бўйича билдирилган хавотирлар асоссиз. Ишид Афғонистонда халқ томонидан қўллаб-қувватланмайди”, деган Самангани.
“Толибон”нинг бошқа бир вакили Билол Каримининг сўзларига кўра, ИШИД Афғонистондан Ироқ ва Сурияга жангариларни юборолмайди. Унинг бундай мураккаб логистик вазифани бажариш имконияти йўқ.
Аввалроқ, Путин МДҲ давлатлари раҳбарлари кенгашида Афғонистондаги вазият ҳақида гапириб, ИШИД ҳамон хавф эканига тўхталганди. У муқаддам Ироқ ва Сурияда жанг қилган террорчилар Афғонистонга кўчаётгани ҳақида айтиб ўтганди.
Live
All
