Тест саволлари осонлаштирилади – Мажид Каримов
Local
−
12 August 2020 13162 1 minute
Бу йилги тест синовлари ўтган йилги тестларга нисбатан осонлаштирилади. Бу ҳақда Давлат тест маркази раҳбари Мажид Каримов маълум қилди.
“Тестлар 4 хил турда – содда, ўртача осон, мураккаброқ ва юқори мураккаблик даражасидаги саволларга бўлинарди. Эндиликда содда саволлар 12 та, ўртача осон саволлар 12 та, мураккаброқ (3-даражали) саволлар сони 6 та бўлди”, деди Мажид Каримов,
Бу йилги тест саволларида юқори мураккаблик даражасидаги саволлар бўлмайди. Икки йилдан бери жуда мураккаб саволлар, яъни олимпиада иштирокчилари учун қўйиладиган саволлар бутунлай олиб ташланган.
Эслатиб ўтамиз, бу йил ОТМга кириш учун 1,5 млнга яқин абитуриент рўйхатдан ўтган. Имтиҳонлар эса 2 сентябрдан бошланиши белгиланган.
Aҳрорбек Ҳайруллаев
Live
All