Тарихда илк бор Ўзбекистон эшкак эшишда жаҳон чемпиони бўлди
Sport
−
11:10 1605 1 minute
Кеча, 27 август куни Нидерландиянинг Амстердам шаҳрида академик эшкак эшиш бўйича жаҳон чемпионатининг енгил вазнли эркаклар ўртасидаги жуфтликлар баҳсида (LM2x) Ўзбекистон терма жамоаси вакиллари Шаҳзод Нурматов ва Собиржон Сафаролиев олтин медални қўлга киритди.
Ўзбекистонлик эшкак эшувчилар финалда 6:21,93 натижа қайд этиб, биринчи ўринни эгаллади. Кумуш медаль Германия, бронза медаль эса АҚШ вакилларига насиб этди.
Бу натижа Ўзбекистон академик эшкак эшиш спорти тарихида катталар ўртасидаги жаҳон чемпионатларида қўлга киритилган дастлабки олтин медаль сифатида қайд этилди.
Маълумот учун, 2026 йилги академик эшкак эшиш бўйича жаҳон чемпионати жорий йилнинг 24-30 август кунлари Амстердамдаги Босбаан каналида ўтказилмоқда.
Live
All
