Суга илк хорижий сафарини октябрда амалга оширади
World
−
30 September 2020 6860 1 minute
Япониянинг янги Бош вазири Йошиҳиде Суга лавозимига киришганидан сўнг биринчи хорижий сафарини октябрь ойининг ўрталарида амалга оширади.
Япония ҳукумати унинг Вьетнам ва Индонезияга ташрифлари бўйича ташкилий ишлар билан шуғулланмоқда. Йўналиш танлашда Япония томони мамлакатларнинг эпидемиологик вазиятини ўрганган.
Суга Вьетнам Бош вазири Нгуен Суан Фук ва Индонезия Президенти Жоко Видодо билан музокаралар ўтказишни режалаштирган. Учрашувларнинг асосий мавзуси Япония ва ASEAN (Жануби-Шарқий Осиё давлатлари ассоциацияси) ўртасидаги ҳамкорликни мустаҳкамлаш, шунингдек, Жанубий Хитой денгизи мавзуси бўлиши кутилмоқда.
Эслатиб ўтамиз, Япония парламенти Сугани 16 сентябрь куни янги Бош вазир этиб тасдиқлади.
Live
All