“Спутник V” вакцинаси билан эмланган Президентда коронавирус аниқланди

World

−

03 April 2021 visibility8414 timer1 minute

Аргентина Президенти Альберто Фернандеснинг коронавирусга топширган тестида мусбат натижа қайд этилди.

"Бугун кечқурун ҳароратим 37,3 даражага кўтарилиб, озгина бошим оғриганидан кейин тест топширдим, у ижобий чиқди", деб ёзган Президент 3 апрель куни кечқурун Тwitter'даги саҳифасида.

Фернандес ўзини яхши ҳис қилаётганини қўшимча қилган.

"Гарчи касаллигим ПЗР-тести билан тасдиқланишини кутаётган бўлсак-да, мен протоколга мувофиқ ўзимни аллақачон яккалаганман ва шифокорларнинг тавсияларига амал қиляпман", деган давлат раҳбари.

Маълумот ўрнида, 2 апрель куни 62 ёшга тўлган Аргентина Президенти
жорий йилнинг январь ойида Россиянинг "Спутник V" вакцинаси билан коронавирусга қарши эмланганди.

Author