Скалони Аргентина терма жамоасидан кетмоқчи эканини айтди

Sport

−

10:32 visibility474 timer1 minute

Аргентина терма жамоаси бош мураббийи Лионель Скалони Аргентина футбол ассоциацияси (АФА) президенти Клаудио Тапиага истеъфога чиқиш нияти борлигини маълум қилди. Бу ҳақда журналист Вероника Брунати ижтимоий тармоқларда хабар берди.

Скалонининг АФА билан шартномаси 2026 йил 30 декабрга қадар амал қилади. Журналистнинг сўзларига кўра, ассоциация мутахассисни лавозимида қолишга кўндиришга ҳаракат қилмоқда.

Маълумот учун, 48 ёшли Скалони 2018 йилдан буён Аргентина терма жамоаси бош мураббийи сифатида ишлаб келмоқда. Унинг раҳбарлигида жамоа 2022 йилги Жаҳон чемпионатида ғолиб чиқди, 2026 йилги мундиалда кумуш медалга сазовор бўлди, шунингдек, 2021 ва 2024 йилларда икки марта Америка Кубогида ҳамда 2022 йилда Финалиссимада ғолиб бўлди.

Эслатиб ўтамиз, аввалроқ Лионель Месси ўзининг Instagram саҳифасида Аргентина терма жамоасидаги фаолиятини якунлаганини расман маълум қилганди.

Author