Сирдарёда газ баллони портлаган Nexia сочилиб кетди

Crime

−

21 April 2022 visibility26299 timer1 minute

Бугун, 21 апрель куни Сирдарё вилоятининг Янгиер шаҳрида Nexia-3 русумли автомобилга ўрнатилган газ баллони портлади. Бу ҳақда вилоят ФВБ Матбуот хизмати маълум қилди.

Бошқармага кўра, соат 09:50 ларда, Янгиер шаҳри, “А.Жомий” МФЙ Пахтакор кўчасида жойлашган “Ватанпарвар” ташкилоти биноси рўпарасида қолдирилган, ҳайдовчи 1994 йилда туғилган Б.Қ.га тегишли Nexia-3 русумли автомобилининг газ баллонида ёрилиш содир бўлган. Натижада, автомобиль буткул яроқсиз ҳолга келган ва ёнидаги 2 та автотранспорт воситасига техник зарар етган.

Ҳодиса натижасида тан жароҳати олган фуқаролар йўқлиги айтилмоқда.

Ҳозирда вилоят ФВБ ва ИИБ ЙҲХБ ходимлари томонидан дастлабки суриштирув ишлари олиб борилмоқда.

Author