Шайхонтоҳур туманидаги хонадонга ўт кетди
Crime
−
10:29 1146 1 minute
Бугун, 30 сентябрь куни Тошкент шаҳар Шайхонтоҳур туманидаги хонадонда ёнғин содир бўлди. Бу ҳақда Тошкент шаҳар Фавқулодда вазиятлар бош бошқармаси хабар берди.
Маълум қилинишича, соат 08:47 да Тошкент шаҳар Шайхонтоҳур тумани, Жарариқ кўчасида жойлашган шахсий хонадон ёнаётганлиги тўғрисида хабар келиб тушган.
Шунга кўра, қутқарув экипажлари воқеа жойига зудлик билан етиб бориб, ёнғин соат 09:39 да ўчирилган.
Билдирилишича, ёнғин оқибатида тан жароҳати олганлар йўқ. Ҳозирда ёнғин сабаби ва келтирилган моддий зарар миқдори аниқланмоқда.
Эслатиб ўтамиз, аввалроқ Бухоро вилоятида нефть сақлаш омборидаги сиғимлардан бирида ёнғин содир бўлганди.
