Шаҳобиддин Зоиров эртага профи рингда илк жангини ўтказади
Sport
−
04 April 2019 6309 1 minute
Эртага, 5 апрель куни ўзбекистонлик боксчи Шаҳобиддин Зоиров Дубай шаҳрида рингга кўтарилади. Эътиборлиси, бу жанг Рио Олимпиадаси чемпиони Шаҳоббиддин учун профессионал рингдаги илк баҳс сифатида тарихга муҳрланади.
Дебютантга эртанги жангда индонезиялик Энтони Холт рақиблик қилади.
Бугун ушбу жанг олдидан вазн ўлчаш маросими бўлиб ўтди. Унга кўра, Зоиров 121,7 фунт (54, 88 кг) тош босди. Рақиб эса 119,9 фунт (54,38 кг) чиқди.
Эслатиб ўтамиз, ушбу жанг эртага Дубай шаҳридаги "Emirates Golf Club"да бўлиб ўтади.
