Самарқанддан Санкт-Петербургга учаётган самолёт Москвага шошилинч қўнди
Local
−
13 January 2023 9538 1 minute
Бугун, 13 январь куни "Ўзбекистон ҳаво йўллари" Миллий авиакомпаниясининг Самарқанддан Санкт-Петербургга учаётган самолёти ноқулай об-ҳаво туфайли Москвага шошилинч қўнди. Бу ҳақда авиакомпания Матбуот хизмати хабар берди.
Қайд этилишича, бортида 179 нафар йўловчиси бўлган самолёт "Домодедово" муқобил аэродромига қўнишга мажбур бўлган.
“Белгиланган аэропортдаги ноқулай об-ҳаво шароити (бўрон) туфайли “Uzbekistan Airways” авиакомпаниясининг Самарқанд-Санкт-Петербург йўналиши бўйича HY639 рейси Москвага йўналтирилди”, дея хабар бермоқда авиакомпания Матбуот хизмати.
Airbus A321 самолёти Тошкент вақти билан соат 12:50 да Москва аэропортига қўнгани маълум қилинган.
Эслатиб ўтамиз, Бангкокдан Москвага учаётган самолёт бортдаги жанжал ва ҳомиладор аёлнинг саломатлиги ёмонлашгани туфайли Самарқандга шошилинч қўнган эди.
Live
AllIspaniya migrantlarni Seutani tark etishga majbur qilish uchun ularni suv va o'tsiz qoldirmoqda
17:40
Toshkentdagi o'pirilib tushgan yo'l o'tkazgich qurilishida 7,4 mlrd so'm eb yuborilgani ayon bo'ldi
17:28