Самарқанд ҳокимига янги ўринбосарлар тайинланди

Бугун, 15 сентябрь куни Рустам Қобилов ва Жўрабек Суюнов Самарқанд вилояти ҳокими Адиз Бобоевнинг ўринбосарлари этиб тайинланди. Бу ҳақда вилоят ҳокимининг тегишли қарорлари имзоланди.

Қайд этилишича, Рустам Ражаббоевич Қобилов янги ташкил этилган Самарқанд вилояти ҳокимининг расмий делегацияларнинг ташрифи масалалари бўйича ўринбосари лавозимига тайинланган. Рустам Қобилов мазкур тайинловга қадар вилояти ҳокимининг туризм, маданият, маданий мерос ва оммавий коммуникациялар масалалари бўйича ўринбосари сифатида фаолият кўрсатган.

Самарқанд вилояти ҳокимининг тегишли қарорига асосан, Жўрабек Баҳриддинович Суюнов Самарқанд вилояти ҳокимининг туризм, маданият, маданий мерос ва оммавий коммуникациялар масалалари бўйича ўринбосари лавозимига тайинланган. Жўрабек Суюнов мазкур тайинловга қадар вилоят туризм бошқармаси бошлиғи лавозимида фаолият олиб борган.

Эслатиб ўтамиз, аввалроқ Жамшид Фазлиддинович Шаропов – Бухоро вилояти ҳокимининг молия-иқтисодиёт ва камбағалликни қисқартириш масалалари бўйича биринчи ўринбосари – вилоят иқтисодиёт ва молия бошқармаси бошлиғи лавозимига тайинланганди.