Рубио Эрон делегациясини АҚШдан ҳайдаб чиқарди – “Axios”

АҚШ Давлат котиби Марко Рубио музокаралар боши берк кўчага кириб қолганидан сўнг БМТ Бош Ассамблеяси учун Нью-Йоркка борган Эрон делегациясини мамлакатдан ҳайдаб чиқарди. Бу ҳақда ўз манбаларига таяниб, “Axios” хабар берди.

Қайд этилишича, жорий йилнинг 28 сентябрь куни Марко Рубио БМТ Бош Ассамблеясига Нью-Йоркка борган Эрон делегациясидан мамлакатни зудлик билан тарк этишни талаб қилган. Бунга икки мамлакат ўртасидаги музокаралар боши берк кўчага кириб қолгани сабаб бўлган. Рубио томонидан ташланган ушбу қадам ўта фавқулодда дипломатик эътироз, деб ҳисобланмоқда.

Қатарлик воситачилар АҚШ ва Эрон ўртасида дипломатик туб бурилишга эришишга ҳаракат қилган, аммо ҳеч бир томон ён беришни хоҳламагани сабабли фақат арзимас илгарилашга эришган холос. Нью-Йоркни тарк этиш буюрилганлар орасида Эрон Ташқи ишлар вазири Аббос Ароқчи ҳам бўлган.

“Душанба куни эрталаб Оқ уй кун давомида Эрон билан музокараларда илгарилашга эришилиши мумкин деб ҳисоблаган эди. Аммо кун охирига келиб музокаралар боши берк кўчага кириб қолгани аён бўлди.

Рубио буйруғига кўра, душанба куни кечқурун АҚШнинг БМТдаги миссияси Эрон миссиясига Ароқчи делегацияси Нью-Йоркни зудлик билан тарк этиши кераклигини маълум қилди”, дейди манба. 

Эслатиб ўтамиз, аввалроқ Эрон Олий раҳбари Мужтабо Хоманаий АҚШ ва Исроилнинг тажовузи мамлакатни янада кучайтирганини, мамлакат бугун айримлар томонидан дунёнинг тўртинчи суперкучи сифатида кўрилаётганини айтган эди.