Rubio Eron delegatsiyasini AQSHdan haydab chiqardi – “Axios”

AQSH Davlat kotibi Marko Rubio muzokaralar boshi berk ko‘chaga kirib qolganidan so‘ng BMT Bosh Assambleyasi uchun Nyu-Yorkka borgan Eron delegatsiyasini mamlakatdan haydab chiqardi. Bu haqda o‘z manbalariga tayanib, “Axios” xabar berdi.

Qayd etilishicha, joriy yilning 28 sentyabr kuni Marko Rubio BMT Bosh Assambleyasiga Nyu-Yorkka borgan Eron delegatsiyasidan mamlakatni zudlik bilan tark etishni talab qilgan. Bunga ikki mamlakat o‘rtasidagi muzokaralar boshi berk ko‘chaga kirib qolgani sabab bo‘lgan. Rubio tomonidan tashlangan ushbu qadam o‘ta favqulodda diplomatik e’tiroz, deb hisoblanmoqda.

Qatarlik vositachilar AQSH va Eron o‘rtasida diplomatik tub burilishga erishishga harakat qilgan, ammo hech bir tomon yon berishni xohlamagani sababli faqat arzimas ilgarilashga erishgan xolos. Nyu-Yorkni tark etish buyurilganlar orasida Eron Tashqi ishlar vaziri Abbos Aroqchi ham bo‘lgan.

“Dushanba kuni ertalab Oq uy kun davomida Eron bilan muzokaralarda ilgarilashga erishilishi mumkin deb hisoblagan edi. Ammo kun oxiriga kelib muzokaralar boshi berk ko‘chaga kirib qolgani ayon bo‘ldi.

Rubio buyrug‘iga ko‘ra, dushanba kuni kechqurun AQSHning BMTdagi missiyasi Eron missiyasiga Aroqchi delegatsiyasi Nyu-Yorkni zudlik bilan tark etishi kerakligini ma’lum qildi”, deydi manba. 

Eslatib o‘tamiz, avvalroq Eron Oliy rahbari Mujtabo Xomanaiy AQSH va Isroilning tajovuzi mamlakatni yanada kuchaytirganini, mamlakat bugun ayrimlar tomonidan dunyoning to‘rtinchi superkuchi sifatida ko‘rilayotganini aytgan edi.