Родри жамоадошининг бурнини синдириб қўйди

Кеча, 6 сентябрь куни “Барселона” ҳимоячиси Эрик Гарсия Испания чемпионатининг “Валенсия”га қарши ўйинида (5:0) яна бурнини синдириб олди. Бу ҳақда “Sport.es” нашри хабар берди.

Ҳодиса учрашувнинг 25-дақиқасида жарима майдони ичидаги тўқнашув вақтида юз берди. “Барселона”нинг янги ярим ҳимоячиси Родри тасодифан боши билан 25 ёшли Гарсиянинг юзига зарба берди. Ўша пайтда ҳимоячи жамоадошининг ортида турган эди.

Зарба натижасида Гарсиянинг бурнидан қон кетди ва у учрашувни давом эттира олмади. Жамоа мураббийлар штаби унинг ўрнига Жюль Кунденинг туширди. Шифокорлар футболчининг бурни синганини тасдиқлади. Ҳозирда клуб мутахассислари Гарсияга жарроҳлик амалиёти зарур ёки зарур эмаслигини баҳоламоқда.

Бу Гарсиянинг бундай жароҳат билан илк бор тўқнаш келиши эмас. 2025 йил ноябрь ойида у Чемпионлар лигасида “Брюгге”га қарши учрашувда ҳам бурнини синдирган. Ўшанда жарроҳлик амалиёти талаб этилмаган.

Маълумот учун, Гарсия 2026-2027 йилги мавсумда “Барселона” сафида 3 та учрашувда майдонга тушди.