“Реал” айни пайтда Европанинг энг яхши жамоаси – Кукурелья

“Реал” ҳимоячиси Марк Кукурелья мадридликларни айни пайтда Европанинг энг яхши жамоаси деб ҳисоблашини айтди. Бу ҳақда у “Mundo Deportivo” нашрига берган интервьюсида сўз очди.

“Ҳозирги вақтда, менимча, биз Европанинг энг яхши жамоасимиз. Биз жуда яхши ўйин кўрсатмоқдамиз, кўплаб ажойиб учрашувлар ўтказдик. Жамоа жуда жиддий кўринмоқда”, дейди Кукурелья.

28 ёшли футболчи ПСЖнинг ўйинларини кузатмаслигини, бироқ Мадрид жамоаси парижликлардан устун эканига ишонч билдирган.

“Биз ПСЖдан яхшимизми? Ростини айтсам, уларнинг ўйинларини кўрмайман, ёлғон гапирмайман. Ҳатто уларнинг “Барса”га қарши баҳсларини ҳам томоша қилмаганман. Умуман, футболни кўп кўрмайман. ПСЖда жуда яхши жамоа ва ажойиб футболчилар бор. Аммо ҳозир, менимча, “Реал” кучлироқ”, дейди Кукурелья.

Маълумот учун, “Реал Мадрид” Испания чемпионатида 12 та турдан сўнг 30 очко билан 2-ўринда бормоқда. Чемпионлар лигасининг умумий босқичида эса 12 очко жамғарган ҳолда 2-поғонани эгаллаб турибди. Мадридликлар қўшимча кўрсаткичлар бўйича ПСЖдан (12 очко) ортда қолмоқда.