ОТМга кириш имтиҳонлари қачон бошланиши маълум бўлди
Local
−
03 August 2022 36064 1 minute
2022/2023 ўқув йили учун олий таълим муассасаларига кириш тест синовлари 8 август кунидан бошланади. Бу ҳақда Давлат тест маркази хабар берди.
Тест синовлари кунига икки сменада ўтказилиб:
• биринчи сменада 07:00 дан 10:00 га қадар;
• иккинчи сменада 19:00 дан 22:00 га қадар бўлиб ўтади.
Тест синовлари ҳудудлардаги абитуриентлар сони ва тест синовлари ўтказиладиган майдонлар сиғимидан келиб чиққан ҳолда 10 кундан 13 кунгача давом этади ва 20 август куни якунланади.
Тест синовида иштирок этиш учун “Абитуриент рухсатномаси”ни бериш 4 август кунидан бошланади.
Эслатиб ўтамиз, жорий йил ҳам кириш имтиҳонлари стадион ва хиёбонларда ўтказилади.
Live
All