Ноябрь охирида Тошкентда Президентлар тўпланади
Local
−
12 November 2019 8887 1 minute
Марказий Осиё давлатлари раҳбарларининг иккинчи маслаҳатлашув учрашуви жорий йилнинг 27 ноябрь куни Тошкентда бўлиб ўтади. Бу ҳақда Қозоғистоннинг биринчи Президенти – Элбоши Нурсултон Назарбоев маълум қилди.
“Авваллари қўшниларимизни маслаҳатлашув учрашуви ўтказишга чақиргандим. Остонада ана шундай учрашув ўтказилганди. Учрашувлар турли пойтахтларда бўлиб ўтишини истардим. Бу йилги учрашув белгиланганидек, Тошкентда 27 ноябрь куни ўтказилишига умид қиламан", - деди Назарбоев.
Назарбоевнинг қайд этишича, Қирғизистон, Тожикистон ва Ўзбекистон ўртасида ҳал қилинмаган масалалар бор. Шу сабабдан тўқнашувлар келиб чиқяпти.
"Тўқнашувлар юз бермоқда, одамлар ҳалок бўлмоқда", деб таъкидлади Элбоши.
Марказий Осиё давлатлари раҳбарларининг биринчи маслаҳатлашув учрашуви 2018 йил мартда Қозоғистон пойтахтида ўтказилганди.
