Навоийда сомон ортилган трактор ёниб кетди (видео)
Crime
−
07 July 2023 18519 1 minute
Ижтимоий тармоқларда ҳаракатланиб кетаётган трактордаги уч “прицеп” сомон ёниб кетаётгани тасвирланган видеолар тарқалди. Мазкур ҳолат юзасидан Фавқуллодда вазиятлар вазирлиги муносабат билдирди.
Айтилишича, жорий йилнинг 4 июль куни соат 16:47 да Навоий вилояти Навбаҳор тумани “Меҳнат” МФЙ ҳудудидан ўтувчи “Учтут-қалқон” йўлининг 3 километрида ҳаракатланиб кетаётган трактор тиркамаларидаги сомон ёниб кетган.
Ёнғинни бартараф этиш учун воқеа жойига ёнғин-қутқарув экипажлари соат 17:02 да етиб бориб, ёнғин соат 17:06 да қуршаб олинган ва 9 дақиқада ўчирилган.
Ёнғин оқибатида трактор тиркамаларидаги 300 пресланган сомон донаси ҳамда тиркаманинг 1 дона ғилдирак шинаси ёнган. Ёнғиндан тан жароҳати олганлар йўқ.
Live
All
